Sum tengsl eru sterkari en skilin
milli himins og jarðar.
Ástvinamiðlun er helguð kærleikanum sem lifir áfram. Persónuleg, skrifleg miðlun að handan, unnin af hlýju, nærgætni og djúpri virðingu fyrir ykkar sögu.
Þú saknar raddarinnar, hlátursins og þess að geta sagt frá því sem gerðist í dag.
Stundum er það einmitt hið hversdagslega sem skilur eftir stærsta tómarúmið: samtalið við eldhúsborðið, kunnuglegt handtak, nærvera þess sem þekkti þig svo vel.
Kærleikurinn heldur áfram að fylgja okkur. Í minni sýn eru ástvinir okkar í Sumarlandinu enn nálægir og senda okkur kveðjur að handan. Þær birtast meðal annars í litlu táknunum í hversdeginum: kunnuglegum ilmi, lagi sem hljómar á sérstöku augnabliki eða draumi sem skilur eftir hlýju löngu eftir að við vöknum.
Ástvinamiðlun er helguð þessum tengslum. Hér fær söknuðurinn sitt rými og það sem berst að handan er sett í orð af nærgætni og djúpri virðingu fyrir ástvini þínum.
Ég er skyggn. Ég sé með eigin augum og heyri það sem kemur í gegn að handan.
Í miðluninni tengist ég inn á astralsviðið og næ sambandi við ástvini í Sumarlandinu. Ég er vakandi og með fullri meðvitund á meðan ég tek á móti því sem birtist mér og berst til mín.
Þessi vegferð hófst hjá ömmu minni þegar ég var aðeins sjö ára gömul. Undir hennar handleiðslu stundaði ég þjálfun í mörg ár og lærði að þekkja það sem ég sá og heyrði, vinna með næmnina og bera virðingu fyrir þeirri ábyrgð sem fylgir miðlun.
Nítján ára hóf ég að starfa sjálfstætt. Í dag bý ég yfir meira en 27 ára starfsreynslu sem miðill og völva. Þessa reynslu, einbeitingu og virðingu legg ég í hverja Ástvinamiðlun.
Bein vökumiðlun með sjónskyggni.
Í Ástvinamiðlun eru engin spil notuð.
Ítarleg, persónuleg og skrifleg Ástvinamiðlun, send í tölvupósti til eignar. Þú getur snúið aftur að orðunum í ró og næði.
Hver sál kemur fram á sinn hátt og það er misjafnt hvað verður skýrt í miðluninni. Stundum berast orð eða svipmyndir, stundum er það nærveran eða einstök persónuleg einkenni sem koma sterkast fram. Ég færi þér það sem berst hverju sinni, af nærgætni og virðingu fyrir ástvini þínum.
Ég set í orð það sem berst um líðan sálarinnar og veru hennar í Sumarlandinu.
Persónuleg skilaboð, hvatning og leiðsögn inn í líf þitt í dag, ásamt svari við einni spurningu eða einu hjartans máli.
Hver miðlun er unnin sérstaklega fyrir þann sem tekur á móti henni.
Þú getur óskað eftir tengingu við ákveðinn ástvin eða látið ráðast hver stígur fram í miðluninni. Þú mátt koma með ákveðna ósk í hjarta eða einfaldlega taka á móti þeim kveðjum sem berast að handan.
Þegar þú óskar eftir ákveðnum ástvini bið ég um nafn hans, tengsl ykkar og stutta, persónulega lýsingu á nærveru og fasi. Við opna miðlun þarftu ekki að nefna ákveðna sál eða gefa slíka lýsingu.
Ég leyfi miðluninni að taka sinn farveg og tek á móti því sem þú deilir af nærgætni og virðingu.
13.900 kr.
Ítarleg, skrifleg og persónuleg miðlun, ásamt svari við einni spurningu.
Takmarkaður fjöldi í hverri viku
Bein vökumiðlun með sjónskyggni krefst djúprar einbeitingar, tíma og mikillar orku. Hver miðlun fær þá athygli og það næði sem hún þarfnast.
Fylltu út í ró og næði. Á næsta skrefi geturðu farið yfir fyrirspurnina og opnað hana í tölvupóstforritinu þínu.
Þér er velkomið að færa mér nafn þess sem þú saknar og orðin sem búa í hjarta þínu. Ég tek á móti þeim með hlýju og virðingu fyrir ykkar sögu.
Það er mér dýrmætt að fá að sinna þessu starfi og færa áfram þær kveðjur sem berast að handan.
Hjartans kveðjur,
Laufey miðill